Java e fundit e muajit qershor dhe fillimi i korrikut do të karakterizohen nga mot fillimisht shumë i nxehtë.
Nga mesi i javës pritet depërtimi i një mase ajrore më të freskët nga veriperëndimi i kontinentit. Ky ndryshim do të sjellë ulje të ndjeshme të temperaturave, shtim të paqëndrueshmërisë atmosferike, si dhe reshje lokale shiu të shoqëruara me shkarkime rrufesh.
Të hënën moti do të jetë me diell. Sipas Institutit Hidrometeorologjik të Kosovës, temperaturat minimale do të jen nga 15-18 gradë Celsius, kurse ato maksimale 32-38 gradë Celsius.
Mot me vranësira dhe intervale me diell do të jetë të martën. Gjatë pjesës së dytë të ditës pritet shtim i vranësirave, të cilat vende-vende do të krijojnë kushte për reshje lokale shiu.
Temperaturat minimale: 15–18°C, kurse ato maksimale: 32–35°C.
Të mërkurën, mot i ndryshueshëm dhe i paqëndrueshëm.
Gjatë ditës parashihen reshje lokale shiu të shoqëruara me shkarkime rrufesh. Në zona të izoluara nuk përjashtohet mundësia e breshrit dhe erërave të përkohshme më të fuqishme. Temperaturat minimale: 15–18°C, maksimalet 30–34°C.
Mot kryesisht me diell edhe të enjten. Gjatë orëve të pasdites, në disa zona mund të ketë reshje të izoluara shiu. Temperaturat minimale: 14–18°C, ndërsa maksimale: 24–27°C
Të premten do të ketë mot me diell dhe vranësira të shpërndara. Në disa zona të izoluara vranësirat mund të sjellin reshje të shkurtra lokale. Temperaturat minimale: 13–16°C, maksimale: 25–28°C.
