Në orën 11:00 mbajtën mbledhjen e radhës.
E mbledhje të tilla Komisioni Qendrorë i Zgjedhjeve i kishte të shpeshta.
Krejt kjo meqë brenda një viti e gjysmë qytetarët iu drejtuar tre herë kutive të votimit për zgjedhjet parlamentare.
Megjithatë, mbledhja e kësaj të shtune ishte e fundit para certifikimit të rezultateve të zgjedhjeve të parakohshme parlamentare të 7 qershorit.
Kryetari i Komisioni Qendror i Zgjedhje Komisioni Qendror i Zgjedhjeve bëri të ditur se janë plotësuar të gjitha kushtet ligjore për shpalljen e rezultateve përfundimtare.
“Dy vendimet e fundit nga Gjykata Supreme na kanë arritur dje pasdite lidhur me ankesat e dy kandidatëve. Këto dy vendime janë, do të thotë kanë refuzuar ankesat e kandidatëve, prandaj edhe është hapur rruga për shpalljen e rezultatit përfundimtar. Para se të vazhdoj me leximin e rezultatit dua për publikun të bëj të njohur se raportin e rinumërimit që është përgatitur nga sekretariati se do të thotë nga rinumërimi i 185 vendvotimeve nuk ka nxjerrë ndonjë gjetje që do të arsyetonte nevojën për rinumërime të tjera. Dallimet e evidentuara kanë qenë minimale dhe kryesisht lidhen me rikategorizimin e fletëvotimeve nga të pavlefshme në të vlefshme si dhe me gabime njerëzore gjatë numërimit fillestar. Për rrjedhojë nuk është konstatuar ndonjë bazë që do të kërkonte zgjerimin e procesit të rinumërimit në vendvotime të tjera”, tha kryetari i KQZ-së, Kreshnik Radoniqi.
Më pas, kryetari i KQZ-së, Kreshnik Radoniqi, bëri publike rezultatet përfundimtarë të këtyre zgjedhjeve.
“Lëvizja Vetëvendosje, më 47.13%, ka fituar 53 ulëse, Partia Demokratike e Kosovës më 19.44%, ka fituar 22 ulëse, Lidhja Demokratike e Kosovës më 16.69% ka fituar 18 ulëse, dhe Aleanca më 6.74% ka fituar shtatë ulëse. Lista Serbe me 5.40% të votave ka fituar 9 ulëse. Kosova Demokratik Turk Partisi me 0.70% të votave ka 2 ulëse. Za Slobodu Pravdu i Opstanak me 0.67% një ulëse. Koalicija Vakat me 0.48% një ulëse”.
Pas shpalljes së rezultateve përfundimtare, kandidatët kanë të drejtë ankese ndaj shpalljes së rezultatit në afat prej 48 orësh.
E në qoftë nëse nuk ka të tilla, më pas KQZ do t’i certifikojë këto rezultate.
Certifikimi i rezultateve i hapë rrugë konstituimit të Kuvendit të ri si dhe më pas formimit të Qeverisë së re.
Ndryshe kujtojmë se dështimi i partive për të arritur një marrëveshje për zgjedhjen e presidentit çoi në shpërndarjen e Kuvendit në fund të prillit, më pak se tre muaj pas konstituimit të tij, duke bërë që vendi të mbajë zgjedhje të parakohshme parlamentare më 7 qershor.
