Gjykata e Posaçme kundër Korrupsionit dhe Krimit të Organizuar (GJKKO) ka dënuar me burgim të përjetshëm Plaurent Dervishajn dhe me 35 vite burg Julian Meçajn, pasi i shpalli fajtor për atentatin ndaj ish-prokurorit Arjan Ndoja dhe Aleksandër Lahos.
Ngjarja ndodhi më 1 nëntor 2019 pranë mbikalimit të Shkozetit, ku si pasojë e sulmit me armë mbetën të plagosur Arjan Ndoja dhe Aleksandër Laho, ndërsa humbi jetën shoferi i ish-prokurorit, Andi Maloku, i cili ndërroi jetë disa ditë më vonë në spital, raporton euronews.al.
