Kastriot Selmani është transferuar te skuadra e Prishtinës. Këtë e ka bërë të ditur Prishtina përmes një postimi në rrjetet sociale.
26-vjeçari Selmani së fundi luajti për Egnatian. Me Egnatian, Selmani në edicionin e fundit e fitoi titullin e kampionit në Shqipëri.
Ndërsa si futbollist është zhvilluar në akademinë e Prishtinës.
“Rikthimi në Prishtinë për mua ka një domethënie të veçantë, pasi kthehem në vendin ku filluan ëndrrat e mia dhe ku ndërtova bazat e rrugëtimit tim sportiv. Ndihem i privilegjuar që do të kem mundësinë të vesh përsëri këtë fanellë dhe të kontribuoj për arritjen e objektivave të klubit”, u shpreh Selmani.
Prishtina ka njoftuar gjithashtu se Mentor Zhdrella do të ushtrojë rolin e drejtorit sportiv.
