Federata e Çiklizmit e Kosovës ka njoftuar qytetarët dhe pjesëmarrësit në trafik se për shkak të organizimit të Kampionatit Ballkanik të Çiklizmit 2026, do të ketë mbyllje të përkohshme të disa segmenteve rrugore dhe autostradave në vend.
Sipas njoftimit, mbylljet do të realizohen sipas itinerarit dhe orarit të garave përgjatë tri ditëve të kampionatit.
Më 5 qershor, autostrada “Arbër Xhaferi”, në drejtim të Prishtinës, do të jetë e mbyllur për qarkullim nga ora 14:00.
Më 6 qershor, bllokimet do të zhvillohen në këto relacione:
Ora 09:00 – Ferizaj (Bibaj) – Lipjan – Hani i Elezit
Ora 11:30 – Ferizaj – Hani i Elezit
Ora 13:00 – Ferizaj – Prishtinë – Hani i Elezit
Ora 16:00 – Ferizaj – Lipjan – Hani i Elezit
Ndërkaq, më 7 qershor do të ketë bllokime në këto segmente:
Ora 10:00 – Ferizaj – Podujevë (kthimi në Trudë) – Lipjan – Ferizaj – Hani i Elezit
Ora 14:00 – Ferizaj – Trudë (kthim) – Fushë Kosovë – Llapushnik – Duhël (kthim) – Llapushnik – Fushë Kosovë – Ferizaj
Federata ka kërkuar nga të gjithë pjesëmarrësit në trafik që të respektojnë udhëzimet e Policisë së Kosovës, organizatorëve dhe sinjalizimin e përkohshëm rrugor.
