Policia e Kosovës, ka njoftuar se, një vajzë e mitur, ka dorëzuar një kuletë të cilën e kishte gjetur në Mitrovicë, e ku ndodheshin, dokumente personale dhe një shumë prej 2000 eurosh.
Policia shton se, bazuar në dokumentacionin e gjetur në kuletë, kanë identifikuar pronarin, ndërsa pas procedurave të nevojshme të verifikimit, kuleta dhe të hollat i janë kthyer atij, përcjell Gazeta Express.
‘’ Pronari i kuletës ka shprehur mirënjohjen e tij ndaj vajzës për veprimin e ndershëm si dhe ndaj zyrtarëve policorë për angazhimin e treguar’’, thuhet mes tjerash në njoftim.
Postimi:
Sjellje shembull nga një e mitur e cila gjen kuletën me para dhe e dorëzon në polici
Mitrovicë, 29 maj 2026
Më 29.05.2026, rreth orës 19:00, në Stacionin Policor Mitrovicë Jugu, një qytetare e mitur ka dorëzuar një kuletë të cilën e kishte gjetur në rrugën ,,Lah Nimani” në Mitrovicë, e në të cilën gjendeshin dokumente personale dhe një shumë prej 2000 eurosh.
Zyrtarët policorë, bazuar në dokumentacionin e gjetur në kuletë, kanë identifikuar pronarin, ndërsa pas procedurave të nevojshme të verifikimit, kuleta dhe të hollat i janë kthyer atij.
Pronari i kuletës ka shprehur mirënjohjen e tij ndaj vajzës për veprimin e ndershëm si dhe ndaj zyrtarëve policorë për angazhimin e treguar.
Policia e Kosovës e vlerëson lart këtë gjest qytetar dhe falënderon të miturën për ndershmërinë dhe përgjegjësinë e treguar.
Veprime të tilla përbëjnë shembuj pozitivë për shoqërinë dhe kontribuojnë në forcimin e besimit dhe bashkëpunimit ndërmjet qytetarëve dhe Policisë së Kosovës.
The post E mitura gjen kuletën me 2000 euro në Mitrovicë, e dorëzon në polici appeared first on Gazeta Express.
