Shërbimi Korrektues i Kosovës kanë reaguar pasi në një emision televiziv ka telefonuar një person i cili është prezantuar si Granit Plava, i dënuar me burgim të përjetshëm
Megjithatë SHKK thotë se ka kryer verifikimet e nevojshme dhe sipas tyre personi që ka telefonuar s’është Granit Plava.
“Ju njoftojmë se institucionet korrektuese zbatojnë standarde të larta sigurie dhe kontrolli, ndërsa çdo posedim apo përdorim i mjeteve të ndaluara nga personat e dënuar është i ndaluar rreptësisht dhe trajtohet me seriozitet të plotë”, njofton SHKK.
“Lidhur me pretendimin për telefonatën në emisionin në fjalë, theksojmë se koha e transmetimit nuk përkon me orarin e lejuar për realizimin e telefonatave nga personat e burgosur. Telefonatat lejohen vetëm sipas procedurave dhe orareve të përcaktuara nga institucioni korrektues.
Gjithashtu, njoftojmë se hapësirat brenda institucioneve korrektuese monitorohen vazhdimisht nga stafi korrektues dhe përmes sistemit të kamerave të sigurisë.Po ashtu, sipas verifikimeve të kryera nga SHKK, zëri në telefonatën e transmetuar nuk i përket personit në fjalë”, shton njoftimi i SHKK’së.
The post SHKK mohon se Granit Plava kishte telefonuar nga burgu në një emision televiziv: S’ishte zëri i tij appeared first on Gazeta Express.
