Një rast i dyshuar i parave të falsifikuara është raportuar në Prizren, ku në një bankë janë identifikuar qindra kartëmonedha dhe monedha të dyshuara si të falsifikuara.
Sipas raportit 24-orësh të Policisë së Kosovës, rasti është regjistruar më 26 maj 2026 rreth orës 09:15 në rrugën “Zahir Pajaziti”.
Ankuesi, një punëtor i bankës, ka njoftuar policinë se përmes aparatit verifikues janë detektuar gjithsej 308 kartëmonedha dhe monedha të dyshuara si falsifikime.
Për rastin është njoftuar prokurori kompetent, ndërsa hetimet janë duke vazhduar.
