Ministri në detyrë i Financave ka shpërndarë një njoftim të Administratës Tatimore të Kosovës se nga 1 qershori “pagesat mbi 2,000€ me individë nuk lejohen të bëhen me para të gatshme”.
“Duke filluar nga data 1 qershor, pagesat me para të gatshme për blerjet tuaja mund të bëhen deri në vlerën 2,000 euro, kurse për blerjet mbi këtë vlerë obligoheni që të paguani përmes kartelës ose transfertës elektronike në institucionet financiare të licencuara nga BQK”, shkroi Murati në një postim në Facebook.
ATK njoftoi se “këto pagesa duhet të realizohen përmes sistemit bankar ose formave të tjera elektronike të pagesës”.
“Respektoni kufizimin e përcaktuar me ligj dhe shmangni gjobat. Mos paguani cash mbi limitin e lejuar. Veproni sipas ligjit”, thuhet në njoftim.
The post Nga 1 qershori s’ka transaksione mbi 2 mijë euro me para të gatshme, Murati: Mbi këtë vlerë duhet të paguani me kartelë ose në mënyrë elektronike appeared first on Gazeta Express.
