Çmimet e naftës shënuan rënie, mes zhvillimeve të reja në negociatat mes Shteteve të Bashkuara dhe Iranit për një marrëveshje që përfshin rihapjen e Ngushticës së Hormuzit.
Nafta e papërpunuar Brent ra me rreth 1.5% duke u tregtuar afër 99 dollarë për fuçi, ndërsa nafta amerikane (WTI) pësoi rënie gati 5%, në rreth 92 dollarë për fuçi, shkruan CNN.
Rënia e çmimeve vjen në një moment kur ShBA dhe Irani janë në bisedime për një marrëveshje që do të mundësonte rihapjen e Ngushticës së Hormuzit, e cila është mbajtur praktikisht e mbyllur për qarkullimin e naftës që nga fillimi i konfliktit më 28 shkurt.
Përmes kësaj ngushtice kalon rreth 20% e furnizimit global me naftë.
The post Çmimet e naftës bien pas sinjaleve për një marrëveshje me Iranin appeared first on Gazeta Express.
