Ylli i Barcelonës, Lamine Yamal, nuk do të udhëtojë me Kombëtaren e Spanjës drejt Pragës për përballjen me Republikën Çeke, por mungesa e tij nuk lidhet me ndonjë lëndim serioz.

19-vjeçari përfundoi i lodhur ndeshjen e së dielës, në të cilën Barcelona triumfoi me rezultat 2-1 ndaj Atletico Madridit.

Megjithatë, gjendja fizike e talentit spanjoll nuk konsiderohet shqetësuese nga klubi katalunas.

Sipas gazetares Helena Condis të COPE, Barcelona dhe vetë futbollisti kanë arritur marrëveshje që Yamali të mos udhëtojë drejt Pragës, me qëllim që t’i jepet kohë për rikuperim.

Vendimi është marrë si masë parandaluese, për të shmangur ngarkesën e tepërt fizike dhe rrezikun e ndonjë lëndimi të mundshëm.

Kështu, tifozët e Barcelonës mund të jenë më të qetë, pasi mungesa e Yamalit nuk raportohet të jetë pasojë e ndonjë problemi serioz shëndetësor.

Sinjali – aty ku e vërteta flet para lajmit!

/GazetaSinjali/

Burimi: Sinjali