Kryetari i Komunës së Obiliqit, Halil Thaçi, ka njoftuar se ka mbështetur nismën për krijimin e shtatë pozitave të asistentit administrativ, të dedikuara për personat me aftësi të kufizuara.

Përmes një postimi në Facebook, Thaçi ka bërë të ditur se kjo nismë synon të krijojë mundësi të barabarta punësimi dhe të mundësojë zhvillimin e aftësive të personave me aftësi të kufizuara.
Ai ka theksuar se përmes këtyre pozitave synohet t’u jepet më shumë hapësirë aftësive dhe potencialit të qytetarëve që përballen me vështirësi në punësim.
Sipas Thaçit, Komuna e Obiliqit do të vazhdojë të ndërmarrë hapa konkretë për krijimin e mundësive të barabarta për të gjithë qytetarët.
“Zhvillimi i komunës duhet t’i përfshijë të gjithë”, ka shkruar Thaçi. /Telegrafi/





