Një grup të rinjsh janë sulmuar nga persona të maskuar para Shkollës Bujqësore në Pançevë të Serbisë, ku ndodhet një qendër votimi.

Gjatë përleshjes janë përdorur mjete piroteknike dhe shkopinj, raporton Nova.rs.

Në pamjet që po qarkullojnë në rrjetet sociale shihet një grup të rinjsh, disa prej të cilëve me kapuça, kapele dhe maska në fytyrë, duke sulmuar një grup tjetër.

Sipas pamjeve të publikuara nga media lokale PANpress, njëri nga të sulmuarit ka pësuar lëndime dhe shihet me gjak në fytyrë.

Pamjet i ka publikuar edhe Marinika Tepiq, e cila ka deklaruar se të rinjtë janë sulmuar me shkopinj dhe mjete piroteknike pasi kishin dalë nga votimi.

Ndërkohë, portali Mašina.rs ka raportuar se persona të maskuar kanë sulmuar me mjete piroteknike vëzhguesit e Listës Studentore në Pançevo.

Disa prej tyre kanë marrë goditje në kokë, ndërsa policia ka dalë në vendin e ngjarjes.

Burimi: RTKLive