Sveçla: Banorëve të Kalabrisë po u shkelen të drejtat kushtetuese

Sveçla: Banorëve të Kalabrisë po u shkelen të drejtat kushtetuese

Sveçla: Banorëve të Kalabrisë po u shkelen të drejtat kushtetuese

Sipas raportit të Avokatit të Popullit, në këtë zonë janë evidentuar probleme që lidhen me cenimin e të drejtave kushtetuese të banorëve. Ujërat e zeza, mbeturinat, brejtësit, insektet dhe aroma e rëndë kanë krijuar kushte të papërshtatshme jetese.

Banorët po përballen me vështirësi në shfrytëzimin e oborreve dhe hapësirave të tyre private, ndërsa janë raportuar edhe probleme shëndetësore që kanë kërkuar trajtim mjekësor.

Sponsor 3M Express

Shefi i asamblistëve të Lëvizjes Vetëvendosje në Kuvendin Komunal të Prishtinës, Gëzim Sveçla, ka reaguar duke ia atribuar përgjegjësinë për moszgjidhjen e problemit kryetarit të Prishtinës, Përparim Rama.

Sipas Sveçlës, Rama ishte njoftuar për gjendjen që në vitin 2024, por pavarësisht kalimit të dy viteve, ndërhyrjet e nevojshme nuk janë përfunduar.

Raporti i Avokatit të Popullit kërkon marrjen e masave të menjëhershme dhe përshpejtimin e punimeve në këtë zonë, duke vlerësuar se vazhdimi i gjendjes aktuale nuk është në përputhje me detyrimet e Komunës së Prishtinës.

Sveçla i ka bërë thirrje kryetarit Rama që të japë përgjegjësi para banorëve dhe të ndërmarrë hapa konkretë për zgjidhjen e një problemi që po ndikon drejtpërdrejt në shëndetin dhe mirëqenien e tyre.

Burimi: RTKLive

Lexo edhe

GrowthTank 2026 sjell mbi 15 folës ndërkombëtar

GrowthTank 2026 sjell mbi 15 folës ndërkombëtar

Shpallet fajtor Hashim Thaçi për pengim për drejtësi, dënohet me 17 muaj burgim

Shpallet fajtor Hashim Thaçi për pengim për drejtësi, dënohet me 17 muaj burgim

FAZ: Kosova, një shtet pa mbrojtje dëshmitarësh dhe tentimet për ta zhbërë Specialen

FAZ: Kosova, një shtet pa mbrojtje dëshmitarësh dhe tentimet për ta zhbërë Specialen