Një sulmues i armatosur me thika sulmoi një roje jashtë Ambasadës së Izraelit në Beograd dhe u vra pak pas mesnatës së të mërkurës, njoftoi policia serbe.

 Ministri i Brendshëm i Serbisë, Ivica Daçiq, deklaroi se policia po e trajton incidentin si një “sulm terrorist”, ka ngritur nivelin e kërcënimit terrorist në shkallën më të lartë dhe ka shtuar praninë policore në vendet kyçe.

Ai tha se sulmuesi ishte i mitur dhe kishte me vete dy thika, raporton Associated Press, transmeton Klankosova.tv.

Fotografitë e policisë nga vendngjarja shfaqnin kabinën e rojes jashtë ambasadës dhe zonën e rrethuar me shirit policor, ndërsa oficerë të pajisur plotësisht qëndronin aty pranë.

 Sipas Daçiqit, dyshohet se sulmuesi ishte nga qyteti i Shabacit, në Serbinë perëndimore.