Sonte Irlanda-Kosova, Dardanët synojnë rezultat pozitiv

Sonte Irlanda-Kosova, Dardanët synojnë rezultat pozitiv

Sonte Irlanda-Kosova, Dardanët synojnë rezultat pozitiv

Kjo sfidë do të zhvillohet në Dublin, me fillim nga ora 20:45, dhe i takon xhiros së fundit të Grupit B3.

Dardanët janë shumë pranë realizimit të objektivit, por për ta mbyllur këtë fazë në pozitën e dytë duhet ta kalojë me sukses edhe pengesën e fundit.

Sponsor 3M Express

Skuadra e Franco Fodës ndodhet në vendin e dytë me gjashtë pikë, ndërsa Irlanda është një pozitë më poshtë me pesë. Ky dallim bën që Dardanët ta kenë fatin në duart e tyre, pasi edhe një barazim do të mjaftonte për të përfunduar para irlandezëve dhe për të siguruar pjesëmarrjen në pley-off-in për promovim në Ligën A.

Presioni, megjithatë, është në anën e vendasve. Irlanda nuk ka alternativë tjetër përveç fitores, nëse dëshiron ta rrëmbejë pozitën e dytë dhe të vazhdojë garën për ngjitje në nivelin më të lartë të Ligës së Kombeve.

Historia e përballjeve të fundit u jep besim futbollistëve tonë .Në ndeshjen e zhvilluar në Prishtinë, Kosova kishte marrë fitore 1-0, falë golit të Vedat Muriqit në minutën e 83-të.

Kësaj radhe, përzgjedhësi Franco Foda do të duhet të gjejë zgjidhje edhe për dy mungesa. Edon Zhegrova nuk do të luajë për shkak të lëndimit, ndërsa Veldin Hoxha është i pezulluar pas përjashtimit me karton të kuq në takimin paraprak.

Kosova në këtë përballje hyn pas barazimit pa gola me Izraelin, ku nuk arriti t’i konkretizojë rastet e krijuara. Irlanda, ndërkohë, pësoi disfatë 1-0 nga Austria, duke e humbur mundësinë për të luftuar për kreun e grupit.

Pavarësisht sfidës së vështirë që e pret në Dublin, Kosova ka një avantazh të rëndësishëm në këtë duel: nuk është e detyruar të fitojë. Menaxhimi i lojës dhe ruajtja e qetësisë do të jenë vendimtare për Dardanët, të cilët synojnë ta sigurojnë një vend në pley-off dhe ta vazhdojnë ëndrrën për Ligën A.

Burimi: RTKLive

Lexo edhe

GrowthTank 2026 sjell mbi 15 folës ndërkombëtar

GrowthTank 2026 sjell mbi 15 folës ndërkombëtar

Shpallet fajtor Hashim Thaçi për pengim për drejtësi, dënohet me 17 muaj burgim

Shpallet fajtor Hashim Thaçi për pengim për drejtësi, dënohet me 17 muaj burgim

FAZ: Kosova, një shtet pa mbrojtje dëshmitarësh dhe tentimet për ta zhbërë Specialen

FAZ: Kosova, një shtet pa mbrojtje dëshmitarësh dhe tentimet për ta zhbërë Specialen