Shpresë për mbijetesën e rrëqebullit të Ballkanit, kamerat filmojnë një këlysh në Shebenik

Shpresë për mbijetesën e rrëqebullit të Ballkanit, kamerat filmojnë një këlysh në Shebenik

Shpresë për mbijetesën e rrëqebullit të Ballkanit, kamerat filmojnë një këlysh në Shebenik

Një rrëqebull i rritur i Ballkanit, së bashku me këlyshin e tij, është filmuar nga kamerat kurth në Parkun Kombëtar të Shebenikut në Shqipëri.

Sponsor 3M Express

Pamjet janë regjistruar gjatë vjeshtës, në kuadër të monitorimit kombëtar me kamera kurth, nga organizata për mbrojtjen e mjedisit PPNEA, në bashkëpunim me Administratën Rajonale të Zonave të Mbrojtura në Elbasan.

Sipas PPNEA-s, ky regjistrim përbën një dëshmi të rëndësishme të riprodhimit të rrëqebullit të Ballkanit në natyrë, në një kohë kur kjo specie vazhdon të jetë e rrezikuar në mënyrë kritike.

Organizata thekson se popullata e rrëqebullit të Ballkanit (Lynx lynx balcanicus) është e vogël dhe e fragmentuar, ndërsa përballet me disa kërcënime, përfshirë gjuetinë e paligjshme, humbjen dhe fragmentimin e habitateve, si dhe diversitetin e ulët gjenetik.

Prania e këlyshit konsiderohet shenjë inkurajuese për mbijetesën e kësaj specieje, megjithatë PPNEA sqaron se një regjistrim i vetëm nuk është i mjaftueshëm për të dëshmuar rritjen apo rimëkëmbjen e popullatës.

Ky regjistrim vjen në një moment të rëndësishëm për Programin e Rimëkëmbjes së Rrëqebullit të Ballkanit (BLRP), i cili po përgatitet për hapat e mëtejshëm të zbatimit të strategjisë për përforcimin gjenetik të popullatës.

PPNEA vlerëson se Parku Kombëtar i Shebenikut përbën një habitat jetik për këtë specie, pasi pyjet, burimet ushqimore dhe korridoret ekologjike janë thelbësore për lëvizjen, ushqimin dhe riprodhimin e saj.

Organizata ka bërë thirrje për mbrojtjen e tërësishme të ekosistemit të Shebenikut, duke theksuar se çdo ndërhyrje që dëmton habitatet apo ndërpret lidhjet ekologjike mund të rrezikojë mbijetesën e rrëqebullit të Ballkanit.

“Për rrëqebullin e Ballkanit, ruajtja e habitatit nuk është një zgjedhje mes alternativash. Është kusht për mbijetesë”, thuhet në reagimin e PPNEA-s./Telegrafi/

Lexo edhe

Albin Kurti emëron shef kabineti vëllain e një të akuzuari për fajde

Albin Kurti emëron shef kabineti vëllain e një të akuzuari për fajde

Arlinda – Nichit: Ty veç fëmijët të dojnë!

Arlinda – Nichit: Ty veç fëmijët të dojnë!

Maqedonci kërkon njohjen e Kosovës nga Ukraina

Maqedonci kërkon njohjen e Kosovës nga Ukraina