Një vizitë e zakonshme në supermarket i ka sjellë një fitim të jashtëzakonshëm një 61-vjeçareje nga Michigan i Shteteve të Bashkuara, e cila ka fituar një milion dollarë në lotari.
Alisa Moore kishte përfunduar blerjet në supermarket, kur vendosi të ndalej te kioska e lotarisë dhe të blinte një biletë Powerball.
“Teksa po dilja nga supermarketi, u ndala te kioska e lotarisë dhe bleva një biletë Powerball”, tregoi ajo.
Të nesërmen, kur kontrolloi biletën përmes aplikacionit të lotarisë, Moore mbeti e habitur nga shuma që iu shfaq në ekranin e telefonit.
“Kur pashë një milion dollarë në ekran, për pak sa nuk rashë nga karrigia! E kontrollova biletën përsëri, pastaj edhe për herë të tretë, sepse nuk mund ta besoja atë që po shihja”, rrëfeu 61-vjeçarja.
Fituesja ka treguar se paratë planifikon t’i përdorë për të shlyer kredinë e shtëpisë dhe për të kursyer për të ardhmen.
Sinjali – aty ku e vërteta flet para lajmit!
Burimi: Sinjali
