Rodriguez: Milani na e mori Champions-in me një penallti inekzistente

Rodriguez: Milani na e mori Champions-in me një penallti inekzistente

Rodriguez: Milani na e mori Champions-in me një penallti inekzistente

Në një intervistë për gazetën italiane “La Gazzetta dello Sport”, argjentinasi ka folur për pesë vitet e kaluara në Firence, nga viti 2012 deri më 2017, duke kujtuar periudhën e tij te Fiorentina dhe bashkëlojtarët me të cilët ndau momente të veçanta.

Rodriguez u ndal edhe te ish-kapiteni Davide Astori, i cili ndërroi jetë më 4 mars 2018, pas një sulmi në zemër në Udine.

Sponsor 3M Express

“Astori është me mua çdo ditë. Mendimi se ai nuk është më këtu më shkatërron. Më vjen të qaj edhe vetëm kur flas për të. Ishte partneri im në mbrojtje dhe do ta mbaj gjithmonë me vete. Ende e ruaj një fotografi të golit të fundit që shënova për Fiorentinën. Davide po vinte drejt meje për të më përqafuar. Sa shumë jetë kemi ndarë së bashku”, deklaroi ai.

Ish-futbollisti tregoi edhe se si kishte përfunduar në Itali, duke zbuluar se transferimi i tij te Fiorentina ishte realizuar së bashku me Borja Valeron, me të cilin luante te Villarreali.

“Borja Valero i kishte udhëhequr negociatat për transferimin tim në Itali. Unë tashmë e kisha pranuar ofertën, por Fiorentina dëshironte të na transferonte të dyve. Një mbrëmje më telefonoi dhe më tha: ‘Gonzalo, bëji gati valixhet, po shkojmë në Firence’”, kujtoi Rodriguez.

Megjithatë, momenti më i veçantë i intervistës ishte rikthimi te sezoni 2012/13, kur Fiorentina ishte shumë pranë kualifikimit në Ligën e Kampionëve.

“Fillimisht me Vincenzo Montellan dhe më pas me Paulo Sousan, luanim futboll të shkëlqyer, por nuk arritëm asnjëherë në Ligën e Kampionëve. Në vitin 2013 ishim shumë pranë, por në xhiron e fundit Milani fitoi një penallti që nuk ekzistonte dhe ne përfunduam në vendin e katërt”, tha ish-mbrojtësi.

Në atë sezon, vetëm tri skuadrat e para të Serie A siguronin pjesëmarrjen në Ligën e Kampionëve. Fiorentina e mbylli kampionatin me 70 pikë, dy më pak se Milani.

Kuqezinjtë arritën të fitonin 2:1 në udhëtim ndaj Sienës në xhiron e fundit, duke përmbysur disavantazhin dhe duke siguruar vendin e tretë, ndërsa Fiorentina mbeti jashtë garës elitare.

Burimi: RTKLive

Lexo edhe

Ekskluzive | Policia ndalon një kombi në Obiliq, dy të rinj kapen me marihuanë – këta janë të arrestuarit që përfunduan në mbajtje

Ekskluzive | Policia ndalon një kombi në Obiliq, dy të rinj kapen me marihuanë – këta janë të arrestuarit që përfunduan në mbajtje

Jakup Krasniqi arrin në shtëpinë e tij në Prishtinë

Jakup Krasniqi arrin në shtëpinë e tij në Prishtinë

Jakup Krasniqi në Prishtinë, ekipet e EULEX-it dhe policia pranë shtëpisë së tij

Jakup Krasniqi në Prishtinë, ekipet e EULEX-it dhe policia pranë shtëpisë së tij