Gavi po përballet me vështirësi te Barcelona, ku konkurrenca e fortë në mesfushë dhe minutat e pakta po ia bëjnë më të vështirë rikthimin në formacionin titullar.
Sipas portalit italian “TuttoMercatoWeb”, mesfushori spanjoll ka luajtur vetëm 191 minuta në shtatë paraqitje këtë sezon, duke qenë titullar në vetëm dy ndeshje, përcjell “Gazeta Express”.
Situata e tij pritet të bëhet edhe më e vështirë pas rikthimit të Frenkie de Jongut nga lëndimi, pasi Barcelona ka disa alternativa të rëndësishme në mesfushë.
Gavi duhet të konkurrojë për minuta me emra si Pedri, Rodri, Fermín López, Dani Olmo dhe Marc Bernal.
Megjithatë, kalendari i ngjeshur i ndeshjeve dhe lëndimi i Dani Olmos mund t’i krijojnë mundësi të reja për të luajtur më shumë.
Pas lëndimeve që kanë ndikuar në zhvillimin e tij, mesfushori spanjoll duhet t’i shfrytëzojë rastet që do t’i jepen për ta bindur trajnerin Hansi Flick se e meriton një rol më të rëndësishëm në skuadër.
Sinjali – aty ku e vërteta flet para lajmit!
Burimi: Sinjali
