QMK: Pas disa orë kërkimesh, është gjetur alpinisti që ishte zhdukur në Mariovë

QMK: Pas disa orë kërkimesh, është gjetur alpinisti që ishte zhdukur në Mariovë

QMK: Pas disa orë kërkimesh, është gjetur alpinisti që ishte zhdukur në Mariovë

Pas disa orë kërkimesh, sot (16.11.2026), në orën 10:15, në fshatin Kalen, në rajonin e Mariovës, është gjetur alpinisti 62-vjeçar, i cili ishte zhdukur gjatë ecjes malore në afërsi të fshatit Lenisht, Komuna e Prilepit, njoftojnë nga Qendra për Menaxhim me Kriza.

Sponsor 3M Express

“Në aksionin e kërkimit morën pjesë zyrtarë policorë, një ekip i NjTKZ – Prilep, QRMK Prilep dhe Drejtoria për Mbrojtje dhe Shpëtim – Prilep, nën koordinimin e Qendrës për Menaxhim me Kriza.

Ngjarja ndodhi dje, në orët e pasdites, kur personi, pas një rrëzimi dhe humbjes së vetëdijes, në orën 16:47 telefonoi numrin e emergjencës 112, me qëllim që të përcaktonte vendndodhjen e saktë ku ndodhej. Me këtë rast, ai bëri të ditur se gjendej ndërmjet fshatit Lenisht dhe manastirit mbi fshat.

Menjëherë pas denoncimit u njoftuan shërbimet kompetente policore, pas së cilës një ekip policor doli në terren dhe filloi kërkimet.
Gjatë një bisede tjetër telefonike, të realizuar në orën 17:10, personi informoi se ishte duke lëvizur në drejtim të fshatit Lenisht, por se bateria e telefonit të tij celular ishte drejt shterimit.

Pavarësisht aktiviteteve të ndërmarra, deri në orën 18:30 personi ende nuk ishte gjetur, ndërsa telefoni i tij celular ishte fikur.

Kërkimet u intensifikuan, me përfshirjen e zyrtarëve të tjerë policorë dhe një ekipi të NjTKZ– Prilep. Gjithashtu, u bë edhe verifikimi në adresën e tij të banimit, me ç’rast u konstatua se ai nuk ishte kthyer në shtëpi”, njoftojnë nga QMK.

Nga atje thonë se pas disa orë kërkimesh, këtë mëngjes personi u gjet në fshatin Kalen, në rajonin e Mariovës. Menjëherë pas gjetjes së tij, një ekip i policisë kufitare u nis drejt terrenit me qëllim që ta marrë në mënyrë të sigurt dhe ta transportojë./Telegrafi/

Lexo edhe

Lindsay Clancy përballet me rigjykim për vrasjen e tre fëmijëve, caktohet data e re e gjyqit

Lindsay Clancy përballet me rigjykim për vrasjen e tre fëmijëve, caktohet data e re e gjyqit

Kosova dhe Austria drejt nënshkrimit të marrëveshjes për sigurime sociale

Kosova dhe Austria drejt nënshkrimit të marrëveshjes për sigurime sociale

Kosova dhe Austria drejt nënshkrimit të marrëveshjes për sigurime sociale

Kosova dhe Austria drejt nënshkrimit të marrëveshjes për sigurime sociale