Kryetari i Komunës së Prizrenit, Shaqir Totaj, ka njoftuar se po vazhdojnë punimet në rrugën “Ekrem Rexha – Drini”, në Lubizhdë të Qytetit, ku tashmë ka përfunduar infrastruktura nëntokësore në një gjatësi prej 600 metrash.
Sipas Totajt, aktualisht janë duke u zhvilluar përgatitjet për asfaltimin e kësaj rruge.
Projekti financohet nga Ministria e Infrastrukturës, ndërsa menaxhimi i punimeve bëhet nga Komuna e Prizrenit.
Totaj ka theksuar se investimet në infrastrukturë synojnë përmirësimin e kushteve të jetesës dhe krijimin e një mjedisi më të përshtatshëm për qytetarët. /Telegrafi/
