Shërbimi Korrektues i Kosovës ka parandaluar futjen e një substance të dyshuar narkotike në Qendrën e Paraburgimit në Prishtinë.
Substanca është zbuluar gjatë kontrolleve të rregullta nga stafi i Sigurimit, në fillim të ndërrimit të punës.
Sipas njoftimit të Shërbimit Korrektues, gjatë kontrollit janë inspektuar edhe hapësirat e shëtitoreve brenda rrethojës së institucionit, ku është gjetur substanca e dyshuar narkotike.
Lidhur me rastin është njoftuar Policia e Kosovës, ndërsa substanca është konfiskuar.
Shërbimi Korrektues ka theksuar se kontrollet e rregullta dhe vigjilenca e stafit janë pjesë e angazhimit për ruajtjen e sigurisë dhe parandalimin e futjes së sendeve dhe substancave të palejuara në institucionet korrektuese.
Sinjali – aty ku e vërteta flet para lajmit!
Burimi: Sinjali
