Moldavia mbyll hapësirën ajrore pasi një dron i tipit Shahed u drejtua drejt Kishinjevit

Moldavia mbyll hapësirën ajrore pasi një dron i tipit Shahed u drejtua drejt Kishinjevit

Moldavia mbyll hapësirën ajrore pasi një dron i tipit Shahed u drejtua drejt Kishinjevit

Moldavia mbylli përkohësisht hapësirën e saj ajrore të martën, pasi një dron sulmues i tipit Shahed u zbulua duke fluturuar drejt kryeqytetit, Kishinjev.

Sponsor 3M Express

Presidentja Maia Sandu deklaroi se disa dronë rusë kishin shkelur hapësirën ajrore moldave gjatë ditës, përfshirë një mbi Kishinjev.

“Lufta e Rusisë kërcënon të gjithë Evropën”, shkroi Sandu në një postim në rrjetet sociale, duke shtuar se do të vazhdojë të kërkojë vendosjen e sanksioneve ndaj Moskës dhe të mbështesë Ukrainën, transmeton Telegrafi.

Sipas një deklarate të Ministrisë së Mbrojtjes, hapësira ajrore u mbyll në orën 16:27 sipas kohës lokale, për arsye sigurie, pasi ishte raportuar se një dron i tipit Shahed po lëvizte nga jugu në drejtim të sektorit Botanica të Kishinjevit.

Moldavia, e cila kufizohet me Ukrainën, është përballur gjatë këtij viti me një numër në rritje të rasteve të depërtimit të dronëve në hapësirën e saj ajrore. Këto incidente besohet të jenë të lidhura me përhapjen e efekteve të luftës së Rusisë kundër Ukrainës përtej kufijve të saj.

Ministria e Mbrojtjes u bëri thirrje qytetarëve të mos u afrohen dhe të mos prekin objektet e dyshimta fluturuese apo mbetjet e tyre, pasi ato mund të përmbajnë “përbërës shpërthyes”.

Ministri i Jashtëm i Moldavisë, Mihai Popșoi, e cilësoi incidentin e fundit si “shkelje serioze të sovranitetit tonë” dhe “kërcënim të drejtpërdrejtë për sigurinë e qytetarëve tanë”.

“Rusia duhet t’i ndalë veprimet që rrezikojnë Moldavinë dhe sigurinë rajonale”, deklaroi ai.

Ndërkohë, policia bëri të ditur se kishte pranuar telefonata nga banorë të Kishinjevit dhe të qytetit Florești, të cilët raportuan se kishin dëgjuar shpërthime ose zhurma të forta gjatë së martës. /Telegrafi/

Lexo edhe

Qeveria mban mbledhje elektronike, merr disa vendime

Qeveria mban mbledhje elektronike, merr disa vendime

Zbulohet identiteti i njërit prej të arrestuarve për atentatin ndaj izraelitit me urdhër nga Irani në Greqi, katër dyshohet se janë shqiptarë

Zbulohet identiteti i njërit prej të arrestuarve për atentatin ndaj izraelitit me urdhër nga Irani në Greqi, katër dyshohet se janë shqiptarë

Mbi 1 mijë e 200 pacientë në pritje për koronarografi në QKUK, pritja deri në një vit

Mbi 1 mijë e 200 pacientë në pritje për koronarografi në QKUK, pritja deri në një vit