Tim Civeja po kalon një sezon pozitiv në Bundesliga 2 të Gjermanisë, ndërsa të shtunën ka realizuar një gol spektakolar në përballjen ndaj Bochumit.

Mesfushori shqiptar ka shënuar nga gjysma e fushës, me një goditje të jashtëzakonshme që po konsiderohet ndër golat më të bukur të javës në kategorinë e dytë gjermane.

Civeja tregoi qetësi dhe saktësi të madhe në këtë aksion, duke befasuar portierin kundërshtar me goditjen nga distanca.

Për futbollistin shqiptar ky ishte goli i dytë në tetë ndeshje të zhvilluara këtë sezon, duke konfirmuar formën e mirë në kampionatin gjerman.

Civeja është ish-përfaqësues i Shqipërisë U21, ndërsa vazhdon karrierën në futbollin gjerman, ku po kërkon të konsolidohet me paraqitjet dhe kontributin e tij në skuadër. /Telegrafi/