Malisheva ka pasur mundësinë më të mirë për të kaluar në epërsi në minutën e tridhjetë e pestë, por sulmuesi Xhemail Ibishi nuk është treguar i saktë nga pika e bardhë. Goditjen e tij e ka pritur portieri i Feronikelit 74.

Vendasit kanë rrezikuar edhe në kohën shtesë, kur Xhylani, nga afërsia, nuk ka arritur të shënojë me kokë.

Pas këtij barazimi, Malisheva vazhdon të kryesojë tabelën me njëzet e shtatë pikë, një më shumë se Prishtina, që ka një ndeshje më pak.

Ndërkaq, Feronikeli 74 renditet në vendin e shtatë me dymbëdhjetë pikë.

Nga ora 17:00 luhet ndeshja tjetër ku Dukagjini përballet me Gjilanin.

Burimi: RTKLive