Naim Murseli, i dënuar me burgim të përjetshëm në rastin e vrasjes së bashkëshortes së tij, Liridona Ademaj, tashmë e ka vëmendjen te Gjykata e Apelit, ku pritet të shqyrtohet çështja e tij.
Gjykata e Apelit ka ndryshuar orën e seancës gjyqësore lidhur me rastin e vrasjes së Liridona Ademajt, një prej rasteve që ka shkaktuar reagime të mëdha në opinionin publik.
Murseli, i cili është dënuar me burgim të përjetshëm nga gjykata e shkallës së parë, pret vendimin e instancës së dytë gjyqësore.
Rasti lidhet me vrasjen e Liridona Ademajt, e cila u vra më 29 nëntor 2023, në një ngjarje që fillimisht ishte paraqitur si grabitje.
Vendimi i Gjykatës së Apelit do të jetë vendimtar për fatin e aktgjykimit të shkallës së parë, pasi kjo gjykatë do të shqyrtojë pretendimet ankimore dhe ligjshmërinë e vendimit të kundërshtuar.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Sinjali – aty ku e vërteta flet para lajmit!
Burimi: Sinjali
