Duke folur në mbledhjen e Qeverisë, Kurti tha se miratimi dhe dekretimi i këtij ligji vjen pas përpjekjeve të shumta dhe pengesave me të cilat, sipas tij, është përballur iniciativa për themelimin e Byrosë.
Ai u shpreh se dekretimi i ligjit përbën një moment të rëndësishëm dhe shprehu urimet për këtë zhvillim.

“Pas shumë përpjekjesh tona përballë një serie e kundërshtimesh e pengesash që na u vunë në rrugë, madje në mënyrë të përsëritur, javën që shkoi, Presidentja e Republikës, Justina Shiroka Pula, dekretoi ligjin për Byronë Shtetërore për Verifikimin dhe Konfiskimin e Pasurisë së Pajustifikueshme”, deklaroi Kurti.
Kreu i Qeverisë e vlerësoi këtë vendim si fillim të një kapitulli të ri për vendin, duke theksuar rëndësinë e drejtësisë dhe barazisë.
“Urime të gjithëve dhe le të jetë ky fillimi i një kapitulli të ri, të mirë, të mbarë për drejtësi dhe barazi”, tha Kurti.
Ligji për Byronë Shtetërore synon krijimin e mekanizmit për verifikimin dhe konfiskimin e pasurisë së pajustifikueshme, ndërsa dekretimi i tij nga presidentja shënon një zhvillim të rëndësishëm në procesin e funksionalizimit të këtij mekanizmi.
Burimi: RTKLive





