Kryeministri i Republikës së Kosovës, Albin Kurti, është takuar me kryeministrin e Mbretërisë së Bashkuar, Andy Burnham, në mbyllje të punimeve të European Political Community (EPC).

Kryeministri Kurti tha se Mbretëria e Bashkuar është partnere dhe aleate e posaçme e Republikës së Kosovës.

“Jemi mirënjohës e falënderues për mbështetjen e palëkundur dhe të vazhdueshme të saj, teksa synojmë e angazhohemi për thellimin e marrëdhënieve dhe zgjerimin e bashkëpunimit”, tha kryeministri Kurti.

Ndryshe, Kurti në margjina të Komunitetit Politik Evropian (EPC) ka zhvilluar një takim edhe me kryeministren e Mbretërisë së Danimarkës, Mette Frederiksen si dhe kryeministrin e Kanadasë, Mark Carney. /Telegrafi/