Ekipet italiane K9, të angazhuara në Komandën Rajonale-Perëndim (RC-W) të misionit të KFOR-it të udhëhequr nga NATO, kanë zhvilluar një stërvitje për evakuimin veterinar në Kampin Novo Selo.
Gjatë ushtrimit, dy qen të specializuar për zbulimin e rreziqeve shpërthyese u trajtuan si të lënduar në mënyrë të simuluar. Bëhet fjalë për një qen të zbulimit të minave (MDD) dhe një qen të zbulimit të eksplozivëve (EDD).
Të dy qentë u stabilizuan nga ana mjekësore përpara se të evakuoheshin me helikopterin ushtarak Black Hawk.
Sipas KFOR-it, këto ushtrime synojnë të rrisin aftësinë e ekipeve K9 për të vepruar në kushte sfiduese dhe për të bashkëpunuar me ekipet e aviacionit gjatë situatave emergjente.
Përmes trajnimeve të tilla, KFOR-i synon të forcojë gatishmërinë operacionale dhe kapacitetin për t’iu përgjigjur në mënyrë efektive skenarëve kompleksë.
Sinjali – aty ku e vërteta flet para lajmit!
Burimi: Sinjali
