Iniciativa `Jo në emrin tim` proteston para zyrës së BE-së kundër vendimit ndaj Thaçit

Iniciativa `Jo në emrin tim` proteston para zyrës së BE-së kundër vendimit ndaj Thaçit

Iniciativa `Jo në emrin tim` proteston para zyrës së BE-së kundër vendimit ndaj Thaçit

Përmes këtij aksioni, organizatorët kanë kundërshtuar atë që e konsiderojnë standard të dyfishtë në trajtimin gjyqësor të ish-krerëve të Ushtrisë Çlirimtare të Kosovës.

Përfaqësuesi i iniciativës, Çlirim Haziri, ka thënë se nuk janë kundër drejtësisë, por kërkojnë që ajo të jetë e paanshme dhe të zbatohet njësoj për të gjithë. Ai ka ngritur shqetësime lidhur me respektimin e të drejtave të njeriut, garancive procedurale dhe të drejtës për një gjykim të drejtë.

Sponsor 3M Express

Duke krahasuar dënimet e shqiptuara ndaj ish-udhëheqësit serb Vojislav Sheshel me atë në rastin e Hashim Thaçit, Haziri ka pretenduar se ekzistojnë standarde të ndryshme të trajtimit gjyqësor.

“Ne nuk po kërkojmë imunitet për askënd. Nuk po kërkojmë që krimet të mbeten pa u ndëshkuar. Po kërkojmë barazi para ligjit dhe standarde të njëjta të drejtësisë, pavarësisht përkatësisë kombëtare të të akuzuarve”, ka deklaruar Haziri.

Ai i ka bërë thirrje Bashkimit Evropian që të mos heshtë përballë këtyre shqetësimeve, ndërsa ka paralajmëruar organizimin e protestave të tjera nëse, siç ka thënë, vazhdon heshtja institucionale.

“Të drejtën tonë për protestë e ruajmë dhe do ta shfrytëzojmë çdo herë që do të ketë nevojë. Nëse vazhdohet me këtë heshtje institucionale, po edhe me heshtjen e institucioneve evropiane, ne nuk do të mund të qëndrojmë të heshtur”, ka thënë ai.

I pyetur për projektligjin për mbrojtjen e vlerave të luftës së UÇK-së, Haziri është shprehur i bindur se ai do të votohet në Kuvend. Ai ka thënë se iniciativa nuk e përjashton mundësinë e ndryshimeve në përmbajtjen e tij, nëse vlerësohet se janë të nevojshme.

 

Burimi: RTKLive

Lexo edhe

Kushtetuesja: Gjykata e Klinës shkeli të drejtën për gjykim brenda afatit të arsyeshëm

Kushtetuesja: Gjykata e Klinës shkeli të drejtën për gjykim brenda afatit të arsyeshëm

“Liria ka Emër”: Specialja po hakmerret politikisht ndaj Thaçit

“Liria ka Emër”: Specialja po hakmerret politikisht ndaj Thaçit

Zhegrova drejt largimit nga Juventusi, në Itali zbulohet ideja për shkëmbim me yllin e Monacos

Zhegrova drejt largimit nga Juventusi, në Itali zbulohet ideja për shkëmbim me yllin e Monacos