Ceremonia e ndarjes së çmimit “Topi i Artë” do të mbahet të hënën në Londër, ndryshe nga vitet e kaluara, kur organizohej në Paris.
Në mesin e emrave më të përfolur për ta fituar trofeun këtë vit janë sulmuesi anglez Harry Kane, si dhe talentët spanjollë Lamine Yamal dhe Rodri.
Kane, i cili shihet si një nga favoritët kryesorë për çmimin prestigjioz, ka zgjedhur të qëndrojë larg spekulimeve dhe të mos përqendrohet te mundësia e triumfit.
“Përpiqem të mos e mendoj, por sigurisht që është e vështirë. Ka zëra që qarkullojnë, kështu që unë kërkoj të qëndroj sa më larg tyre. Do të përpiqem ta shijoj sa më shumë mbrëmjen e së hënës”, ka deklaruar Kane.
Sulmuesi 33-vjeçar ka shënuar 73 gola për Bayern Munichun dhe për përfaqësuesen e Anglisë, duke regjistruar një shifër mbresëlënëse. Megjithatë, kjo mund të mos jetë e mjaftueshme për ta siguruar trofeun, përballë konkurrencës nga Yamal dhe Rodri.
Fituesi i “Topit të Artë” përcaktohet në bazë të tri kritereve kryesore: paraqitjeve individuale, suksesit kolektiv dhe sjelljes sportive, përfshirë respektimin e parimeve të fair play-it.
Sinjali – aty ku e vërteta flet para lajmit!
Burimi: Sinjali
