Më pas, kjo marrëveshje i ishte propozuar edhe gjyqtarit të Departamentit Speciale në Gjykatën Themelore në Prishtinë, Vesel Ismajli, në seancën e shqyrtimit fillestar më 27 nëntor 2024.
Poashtu ishte konstatuar se prokurorja Salihu i kishte dorëzuar një kopje të numrit të llogarisë bankare.
Kjo marrëveshje ishte pranuar edhe gjyqtari Ismajli.
Bazuar në marrëveshjen e rekomanduar, gjyqtari kishte nxjerr aktgjykim dënues më 5 dhjetor 2024 ndaj Rexhajt për kryerjen e vepres penale “Fajdeja”.
Siç edhe propozohej në marrëveshjen për pranimin e fajësisë, ai ishte dënuar me 18 muaj burgim, po aq sa kishte qëndruar në paraburgim dhe arrest shtëpiak, si dhe me gjobë prej 10 mijë euro.
Në anën tjetër, Kodi Penal i Kosovës parasheh dënim me burgim për këtë vepër nga 3 deri në 12 vjet. Por, marrëveshja e arritur i kishte mundësuar prokurores të shkonte me propozim të dënimit nën minimumin e paraparë me ligj, rrjedhimisht gjysmën e minimumit.
Gjyqtari Ismajli është pyetur nëse është ushtruar kontrolli i ligjshmërisë mbi këtë marrëveshje.
Mirëpo, ai nuk është përgjigjur për këtë.
“Fillimisht, konsiderojmë me rëndësi të sqarohet se aktgjykimi në fjalë është nxjerrë mbi bazën e marrëveshjes për pranimin e fajësisë, të arritur ndërmjet Prokurorisë së Shtetit, të akuzuarit dhe mbrojtësit të tij dhe të paraqitur para gjykatës për aprovim.
Në një procedurë të tillë, gjykata nuk është palë negociuese e marrëveshjes dhe nuk përcakton paraprakisht përmbajtjen e saj, por ushtron kontrollin gjyqësor mbi ligjshmërinë e marrëveshjes, vullnetin e palëve, pranimin e fajësisë, bazën faktike dhe përputhshmërinë e rekomandimit për dënim me kufijtë e lejuar nga ligji. Rrjedhimisht, dënimi prej 18 muajsh burgim nuk është rezultat i një përcaktimi të izoluar nga gjykata, por është shqiptuar në kuadër të marrëveshjes për pranimin e fajësisë dhe pas vlerësimit gjyqësor se kushtet ligjore për aprovimin e saj ishin plotësuar”, thuhet në përgjigjen e gjyqtarit Ismajli.
Sinjali – aty ku e vërteta flet para lajmit!
Burimi: Sinjali
