Gjermania e ‘shkatërron’ Holandën, Gruda shkëlqen në fushë

Gjermania e ‘shkatërron’ Holandën, Gruda shkëlqen në fushë

Gjermania e ‘shkatërron’ Holandën, Gruda shkëlqen në fushë

Gjermania ka dhënë një shfaqje absolute të enjten mbrëma, duke e deklasuar Holandën me rezultat të thellë 5:0 në ndeshjen e fundit të fazës së grupeve në Ligën e Kombeve.

Sponsor 3M Express

Protagonisti kryesor i mbrëmjes, pa dyshim, ishte talenti shqiptar Brajan Gruda, i cili dhuroi një paraqitje fantastike duke e kurorëzuar mbrëmjen me një supergol – të pestin për gjermanët – dhe dy asistime vendimtare, duke u shpallur me meritë lojtari më i mirë i ndeshjes.

Përfaqësuesja gjermane e nisi furishëm sfidën, duke mos i lënë asnjë hapësirë “tulipanëve”. Serinë e golave e hapi Derry Scherhant, për ta vazhduar më pas ylli Florian Wirtz, i cili shkundi rrjetën dy herë. Në listën e golashënuesve u regjistrua edhe mbrojtësi Nico Schlotterbeck, ndërsa ishte Brajan Gruda ai që e vulosi rezultatin përfundimtar 5-0, duke ngritur peshë stadiumin.

Kjo humbje e rëndë futet direkt në librat e historisë së zezë të kombëtares holandeze. Edhe pse disfata më e rëndë në histori mbetet ajo 0:7 kundër Gjermanisë Perëndimore në vitin 1959, ky rezultat prej pesë golash diferencë regjistrohet si një ndër goditjet më të rënda dhe më poshtëruese që ka pësuar ndonjëherë skuadra portokalli.

Gjermania mbyll kështu grupin në stilin e madh, ndërsa Holanda do të duhet të analizojë gjatë këtë paraqitje për t’u kthyer nga hiri pas këtij turpërimi publik.

Sinjali – aty ku e vërteta flet para lajmit!

/GazetaSinjali/

Burimi: Sinjali

Lexo edhe

“Figo, mercenar” – Ish-ylli i Realit ‘kapet keq’ me politikanin spanjoll

“Figo, mercenar” – Ish-ylli i Realit ‘kapet keq’ me politikanin spanjoll

Policia ndalon një veturë në mes të natës në Gjilan – tre të rinj kapen me marihuanë, mes tyre një 18-vjeçare

Policia ndalon një veturë në mes të natës në Gjilan – tre të rinj kapen me marihuanë, mes tyre një 18-vjeçare

FC KEK pranë marrëveshjes me Sedat Pajazitin, pritet të marrë një rol kyç në projektin e ri të klubit

FC KEK pranë marrëveshjes me Sedat Pajazitin, pritet të marrë një rol kyç në projektin e ri të klubit