Të paktën 10 persona dyshohet se kanë vdekur dhe shumë të tjerë janë plagosur pasi dy trena me shpejtësi të lartë u përplasën në provincën e Toledos në Spanjën qendrore .
Autoriteti shtetëror i infrastrukturës hekurudhore të Spanjës tha se shërbimet midis Madridit dhe rajonit jugor të Andaluzisë ishin pezulluar “pas një përplasjeje nga mbrapa midis dy trenave” të mërkurën në mëngjes, shkruan The Guardian.
Një zëdhënës i qeverisë rajonale të rajonit Castilla-La Mancha, ku ndodhi aksidenti, tha se shkaku dhe numri i të lënduarve ende nuk janë përcaktuar, transmeton Sinjali.
Burime qeveritare i thanë gazetës El País se të paktën 10 persona ishin vrarë dhe se aksidenti mund të ishte më i keq se katastrofa hekurudhore në Adamuz në janar, në të cilën humbën jetën 46 persona.
Sinjali – aty ku e vërteta flet para lajmit!
Burimi: Sinjali
