Tharja, djegia dhe çarjet e buzëve mund të kthehen në një problem të vazhdueshëm, veçanërisht gjatë muajve të ftohtë.

Përveç motit, shkaktarë mund të jenë lëpirja e shpeshtë e buzëve, dehidratimi, produktet irrituese të kujdesit të lëkurës, disa ilaçe dhe sëmundje si ekzema.

Dermatologu Peterson Pierre këshillon që fillimisht të ndërpriten produktet që mund të shkaktojnë irritim, përfshirë eksfoliantët e fortë dhe produktet me retinol.

Edhe balsamet me aromë menteje, kanellë, agrume, kamfor ose eukalipt mund ta përkeqësojnë problemin te personat me buzë të ndjeshme.

Për të ndihmuar në rikthimin e lagështisë, rekomandohen produkte me vazelinë, ceramide, gjalpë shea ose dimetikon.

Balsami duhet të aplikohet rregullisht gjatë ditës dhe para gjumit, ndërsa produktet me mbrojtje nga rrezet ultraviolet ndihmojnë në mbrojtjen e buzëve nga dielli.

Për parandalimin e tharjes, dermatologët këshillojnë gjithashtu të pini mjaftueshëm ujë dhe të shmangni lëpirjen, kafshimin ose heqjen e lëkurës së çarë.

Gjatë muajve të ftohtë, përdorimi i një lagështuesi të ajrit në ambiente të mbyllura mund të ndihmojë.

Nëse tharja vazhdon pavarësisht kujdesit, ose shoqërohet me skuqje, ënjtje apo çarje të dhimbshme, është e këshillueshme të konsultoheni me një dermatolog për të identifikuar shkakun. /Telegrafi/