Një britanike që shërben si lajmëtare e qytetit që nga viti 1987 është shpallur gruaja me zërin më të lartë në botë, pasi arriti një britmë prej 105.9 decibelësh.

Brenda Willison e realizoi përpjekjen zyrtare duke bërtitur fjalën “oyez” dhe duke hyrë në Guinness World Records si lajmëtarja grua më e zhurmshme e qytetit dhe si gruaja me britmën më të fortë në botë.

Fjala “oyez”, e përdorur tradicionalisht nga lajmëtarët publikë, do të thotë afërsisht “dëgjoni” dhe e ka origjinën nga frëngjishtja e vjetër.

– YouTube www.youtube.com

Willison, e cila thotë se nuk beson se kjo ishte britma e saj më e fortë e mundshme, u bë lajmëtare e qytetit Peterborough në vitin 1987.

Ajo tregoi se gjithçka nisi pasi vajza e saj aplikoi në emër të saj për këtë rol, duke shkruar se nëse Brenda do të bërtiste nga një kafene, zëri i saj do të dëgjohej edhe në tjetrën, rreth 2.4 kilometra larg.

Ndërkohë, rekordi për meshkuj mbahet nga australiani Joseph McGrail-Bateup, i cili këtë vit arriti një britmë prej 122.4 decibelësh.