Ekspertët dyshojnë se një objekt i madh metalik, i gjetur më 14 tetor në një fushë misri në Minesota të SHBA-së, mund të jetë pjesë e një rakete kineze të lëshuar në shtator.

Sipas portalit shkencor Ars Technica, objekti mund t’i përkasë raketës Zhuque-2E, të kompanisë kineze LandSpace, e cila u lëshua më 14 shtator dhe nuk arriti të përfundonte një rrotullim të plotë rreth Tokës.

Objekti ka një diametër prej rreth 3.35 metrash, sa edhe faza e sipërme e raketës.

Autoritetet federale amerikane po e analizojnë objektin për të përcaktuar origjinën e tij, ndërsa kompania LandSpace ende nuk ka komentuar rastin. /Telegrafi/