Alarmon IKShPK-ja: 336 raste me fruth në Kosovë, 37 vetëm gjatë javës së fundit

Alarmon IKShPK-ja: 336 raste me fruth në Kosovë, 37 vetëm gjatë javës së fundit

Alarmon IKShPK-ja: 336 raste me fruth në Kosovë, 37 vetëm gjatë javës së fundit

Instituti Kombëtar i Shëndetësisë Publike të Kosovës (IKShPK) ka njoftuar se rastet me fruth po vazhdojnë të regjistrohen në vend, ndërsa numri i të prekurve ka arritur në 336.

Sponsor 3M Express

Sipas të dhënave të publikuara nga IKShPK-ja, gjatë periudhës 16 prill – 15 nëntor 2026 janë konfirmuar gjithsej 336 raste me këtë sëmundje, prej të cilave 37 vetëm gjatë javës së fundit.

Rastet janë regjistruar në 24 komuna të Kosovës, ndërsa pjesa dërrmuese e të prekurve janë fëmijë.

Shqetësues mbetet fakti se mbi 95 për qind e rasteve të konfirmuara janë persona që nuk janë vaksinuar me vaksinën MMR, e cila mbron nga fruthi, parotiti dhe rubeola.

IKShPK-ja ka theksuar se vaksinimi mbetet masa kryesore për parandalimin e sëmundjes dhe kufizimin e përhapjes së saj, pasi fruthi është shumë ngjitës dhe mund të shkaktojë komplikime serioze, veçanërisht te fëmijët e vegjël.

Institucioni ka bërë të ditur se, në bashkëpunim me institucionet shëndetësore, po vazhdon edhe vaksinimin plotësues për fëmijët që nuk janë vaksinuar ose nuk i kanë marrë të dy dozat e parapara.

Vetëm gjatë këtij viti, përmes këtyre aktiviteteve janë vaksinuar mbi 4 mijë e 120 fëmijë të grupmoshës 2–5 vjeç.

IKShPK-ja u ka bërë thirrje prindërve që të kontrollojnë statusin e vaksinimit të fëmijëve dhe të kontaktojnë ekipet shëndetësore në rast se ndonjë dozë është lënë pa marrë.

Po ashtu, për shkak të rritjes së rasteve, është rekomanduar kujdes i shtuar për fëmijët nën moshën 12 muajshe, të cilët ende nuk janë vaksinuar me MMR, duke shmangur ekspozimin e tyre në ambiente të mbyllura dhe të mbipopulluara.

Sinjali – aty ku e vërteta flet para lajmit!

/GazetaSinjali/

Burimi: Sinjali

Lexo edhe

Beyonce thyen një tjetër rekord historik, bëhet artistja e parë me 100 nominime në Grammy

Beyonce thyen një tjetër rekord historik, bëhet artistja e parë me 100 nominime në Grammy

Arrestohet një udhëheqës divizioni në Gjykatën Themelore të Prishtinës

Arrestohet një udhëheqës divizioni në Gjykatën Themelore të Prishtinës

Eurodeputeti Kyuchyuk i del në mbështetje Kosovës pas interpretimit të këngës nacionaliste serbe në Bruksel

Eurodeputeti Kyuchyuk i del në mbështetje Kosovës pas interpretimit të këngës nacionaliste serbe në Bruksel