90 minuta larg objektivit, Kosova luan sonte për pozitën e dytë të grupit ndaj Irlandës

90 minuta larg objektivit, Kosova luan sonte për pozitën e dytë të grupit ndaj Irlandës

90 minuta larg objektivit, Kosova luan sonte për pozitën e dytë të grupit ndaj Irlandës

Kombëtarja e Kosovës zhvillon sonte një nga ndeshjet më të rëndësishme të këtij edicioni të Ligës së Kombeve, pasi përballet me Republikën e Irlandës me fillim nga ora 20:45 në kuadër të xhiros së fundit të Grupit B3.

Sponsor 3M Express

Dardanët udhëtojnë drejt Dublinit me një objektiv të qartë: ta ruajnë pozitën e dytë në grup dhe ta sigurojnë pjesëmarrjen në plejofin për inkuadrim në Ligën A.

Skuadrës së përzgjedhësit Franco Foda i mjafton edhe një barazim për ta arritur këtë objektiv, pasi aktualisht ka gjashtë pikë, një më shumë se Irlanda, që renditet në pozitën e tretë. Në rast të ndarjes së pikëve, Kosova do të mbetej para irlandezëve dhe do ta siguronte vendin e dytë, pavarësisht rezultateve të tjera.

Përballë do të jetë një kundërshtar që nuk ka ndërmend të dorëzohet lehtë. Irlanda ka pesë pikë dhe vetëm fitorja i kryen punë për ta kaluar Kosovën në renditje dhe për ta rrëmbyer pozitën e dytë.

Kosova ka arsye të besojë në një tjetër rezultat pozitiv, pasi në përballjen e parë, të zhvilluar në stadiumin ‘Fadil Vokrri’ në shtator, kishte triumfuar me rezultat 1-0. Hero i asaj mbrëmjeje ishte Vedat Muriqi, i cili shënoi golin e fitores në minutën e 83-të, duke u dhënë Dardanëve tri pikë të rëndësishme.

Megjithatë, sfida e kthimit vjen në rrethana të tjera. Kosova vjen pas barazimit pa gola ndaj Izraelit, në një ndeshje ku përkundër rasteve të krijuara nuk arriti të gjente rrugën e rrjetës. Për më tepër, ndaj irlandezëve do të mungojnë Edon Zhegrova, për shkak të lëndimit, dhe Veldin Hoxha, i cili është i suspenduar pas kartonit të kuq të marrë në ndeshjen e fundit.

Në anën tjetër, Irlanda vjen pas humbjes 1-0 nga Austria, rezultat që ia pamundësoi garën për vendin e parë dhe promovimin direkt në Ligën A. Tashmë, përzgjedhësi Heimir Hallgrimsson dhe futbollistët e tij e kanë të qartë se vetëm fitorja ndaj Kosovës mund t’ua sigurojë pozitën e dytë.

Për Dardanët, kjo është një mundësi e madhe për ta vazhduar rrugëtimin pozitiv të viteve të fundit dhe për ta konfirmuar edhe një herë rritjen e kombëtares në arenën ndërkombëtare./Telegrafi/

Standings provided by Sofascore

Lexo edhe

GrowthTank 2026 sjell mbi 15 folës ndërkombëtar

GrowthTank 2026 sjell mbi 15 folës ndërkombëtar

Shpallet fajtor Hashim Thaçi për pengim për drejtësi, dënohet me 17 muaj burgim

Shpallet fajtor Hashim Thaçi për pengim për drejtësi, dënohet me 17 muaj burgim

FAZ: Kosova, një shtet pa mbrojtje dëshmitarësh dhe tentimet për ta zhbërë Specialen

FAZ: Kosova, një shtet pa mbrojtje dëshmitarësh dhe tentimet për ta zhbërë Specialen