Von der Leyen vlerëson progresin e Shqipërisë drejt BE-së: Ka bërë hapa domethënës

Von der Leyen vlerëson progresin e Shqipërisë drejt BE-së: Ka bërë hapa domethënës

Von der Leyen vlerëson progresin e Shqipërisë drejt BE-së: Ka bërë hapa domethënës

Presidentja e Komisionit Evropian, Ursula von der Leyen, ka vlerësuar përparimin e Shqipërisë në procesin e integrimit evropian, duke e cilësuar progresin e vendit si domethënës në rrugën drejt anëtarësimit në Bashkimin Evropian.

Sponsor 3M Express

“Shqipëria ka bërë progres domethënës”, deklaroi von der Leyen gjatë fjalës së saj në Forumin e Dytë të Zgjerimit të BE-së, që po mbahet në Bruksel me temën “Evropë më e gjerë – Evropë më e fortë”.

Ajo theksoi se vendet e Ballkanit Perëndimor ndodhen në një moment të rëndësishëm dhe se kjo mundësi duhet të shfrytëzohet për të përshpejtuar afrimin e tyre me Bashkimin Evropian.

Sipas von der Leyen, rajoni ka potencial të madh ekonomik, ndërsa integrimi do të sillte përfitime si për vendet kandidate, ashtu edhe për vetë Unionin.

Duke folur për rëndësinë e zgjerimit, ajo rikujtoi se anëtarësimi i vendeve të Evropës Qendrore dhe Lindore në vitin 2004 ishte një prej proceseve më transformuese në historinë e BE-së.

Si shembull të përfitimeve ekonomike, ajo përmendi Poloninë, ekonomia e së cilës sot është tri herë më e madhe se ajo e Bjellorusisë, ndonëse tri dekada më parë të dyja vendet kishin nivele të përafërta zhvillimi.

“Zgjerimi prodhon më shumë prosperitet dhe pranimi i anëtarëve të rinj na bën më të fortë”, u shpreh ajo.

Von der Leyen foli edhe për rëndësinë strategjike të zgjerimit në aspektin e sigurisë evropiane, veçanërisht në kontekstin e tensioneve me Rusinë.

Në fund, ajo theksoi se përgjegjësia për zgjerimin nuk u takon vetëm vendeve kandidate, por edhe vetë Bashkimit Evropian, i cili duhet të përshtatë institucionet dhe mekanizmat e vendimmarrjes për pranimin e anëtarëve të rinj.

Ajo përcolli gjithashtu një mesazh për vendet kandidate, duke nënvizuar se reformat duhet të përkthehen në hapa konkretë drejt anëtarësimit.

“Vendet duhet ta dinë se përparimi në reforma sjell përparim në anëtarësim”, deklaroi presidentja e Komisionit Evropian.

Sinjali – aty ku e vërteta flet para lajmit!

/GazetaSinjali/

Burimi: Sinjali

Lexo edhe

Detaje ekskluzive për vdekjen e Blerta Hysenit në Prizren – 26-vjeçarja u dërgua dy herë në emergjencë, dyshohej se kishte gëlltitur narkotikë

Detaje ekskluzive për vdekjen e Blerta Hysenit në Prizren – 26-vjeçarja u dërgua dy herë në emergjencë, dyshohej se kishte gëlltitur narkotikë

Nagavci kërkon nga BE-ja të zbatojë ndaj vetes standardet që ua kërkon vendeve të Ballkanit Perëndimor

Nagavci kërkon nga BE-ja të zbatojë ndaj vetes standardet që ua kërkon vendeve të Ballkanit Perëndimor

Forumi i Zgjerimit| Von der Leyen: Shqipëria, progres domethënës drejt anëtarësimit në BE

Forumi i Zgjerimit| Von der Leyen: Shqipëria, progres domethënës drejt anëtarësimit në BE