Vdes një person me statusin e viktimës në procesin e ish-krerëve të UÇK në Hagë, Specialja ia mundëson një familjari t’i vazhdojë procedurat

Vdes një person me statusin e viktimës në procesin e ish-krerëve të UÇK në Hagë, Specialja ia mundëson një familjari t’i vazhdojë procedurat

Vdes një person me statusin e viktimës në procesin e ish-krerëve të UÇK në Hagë, Specialja ia mundëson një familjari t’i vazhdojë procedurat

Dhomat e Specializuara të Kosovës në Hagë kanë lejuar që një familjar i një viktime të vazhdojë pjesëmarrjen në procesin gjyqësor ndaj Hashim Thaçit, Kadri Veselit, Rexhep Selimit dhe Jakup Krasniqit.

Sponsor 3M Express

Vendimi është marrë më 6 nëntor 2026 nga Paneli Gjyqësor II, pas kërkesës së avokatit të viktimave, Simon Laws, i cili kishte njoftuar Gjykatën për vdekjen e një personi të pranuar si viktimë pjesëmarrëse në këtë proces.

Viktima, e identifikuar në dokumentet gjyqësore me kodin V260/06, ishte pranuar në këtë proces më 15 shkurt 2023. Pas vdekjes së tij, më 2 tetor 2026, avokati i viktimave kishte kërkuar që një familjar i tij të lejohej të merrte përsipër vazhdimin e pjesëmarrjes në procedurë.

Për të mbështetur kërkesën, në Gjykatë ishte dorëzuar certifikata e vdekjes, si dhe dokumentacioni që dëshmonte lidhjen familjare mes viktimës dhe personit që kërkonte të vazhdonte pjesëmarrjen.

Paneli Gjyqësor konstatoi se ishin plotësuar kushtet për aprovimin e kërkesës, pasi ishte dëshmuar si vdekja e viktimës, ashtu edhe lidhja e afërt familjare me personin që do ta vazhdojë pjesëmarrjen.

Në arsyetimin e vendimit, Gjykata sqaroi se Ligji për Dhomat e Specializuara dhe Rregullorja e Procedurës dhe Provave nuk e rregullojnë shprehimisht vazhdimin e pjesëmarrjes së viktimave pas vdekjes së tyre. Megjithatë, sipas Panelit, të drejtat pjesëmarrëse mund të shtrihen edhe te trashëgimtarët, në mënyrë që të garantohet efektiviteti i së drejtës së viktimave për njohjen e dëmit të pësuar.

Gjykata ka vendosur gjithashtu që familjari të përfitojë masa mbrojtëse. Identiteti dhe të dhënat e tij personale nuk do t’u zbulohen palëve në proces dhe publikut.

Në dokumentet dhe procedurat gjyqësore, ai do të identifikohet me pseudonimin V260A/06.

Me këtë vendim, Paneli Gjyqësor II ka aprovuar kërkesën e avokatit të viktimave dhe ka lejuar që familjari të vazhdojë pjesëmarrjen në proces në emër të viktimës së ndjerë.

Burimi: Insajderi

Lexo edhe

Dardanët me fanella të bardha në përballjen ndaj Irlandës

Dardanët me fanella të bardha në përballjen ndaj Irlandës

Presidenca: Aktgjykimi i sotëm ndaj Thaçit e të tjerëve ngre shqetësime për respektimin e të drejtave të tyre

Presidenca: Aktgjykimi i sotëm ndaj Thaçit e të tjerëve ngre shqetësime për respektimin e të drejtave të tyre

Sulmi kibernetik prek 178 organizata të njohura, mes tyre BBC, CNN, Zoom dhe HSBC

Sulmi kibernetik prek 178 organizata të njohura, mes tyre BBC, CNN, Zoom dhe HSBC