Të paktën katër persona janë qëlluar me armë zjarri të enjten në mëngjes në lagjen Logan Circle të Uashingtonit, në një incident që policia e ka cilësuar si skenë aktive.
Policia u ka bërë thirrje qytetarëve që të shmangin zonën pranë kryqëzimit të rrugëve 15th Street NW dhe P Street NW, për shkak të situatës së krijuar, raporton CNN.
Në vendin e ngjarjes kanë dalë edhe pjesëtarët e Ekipit të Reagimit Emergjent të Departamentit të Policisë Metropolitane të Uashingtonit.
Deri më tani, nuk janë bërë të ditura identitetet dhe gjendja shëndetësore e të plagosurve, ndërsa mbeten të paqarta edhe rrethanat që çuan në këtë incident.
Policia pritet të japë më shumë detaje lidhur me rastin.
Sinjali – aty ku e vërteta flet para lajmit!
Burimi: Sinjali
