Qytetarët po vazhdojnë të përballen me probleme në përdorimin e platformës “Super Puna”, përmes së cilës mund të aplikojnë për mundësi punësimi.
Pas ankesave për pamundësinë e aplikimit, qytetarët kanë kontaktuar Gazetën Sinjali, duke bërë të ditur se platforma ishte rikthyer në funksion për rreth tri ditë, por më pas problemi është shfaqur sërish.
Sipas tyre, pavarësisht tentimeve për t’u qasur në platformë dhe për të përfunduar aplikimin, procesi nuk po funksionon, duke ua pamundësuar shfrytëzimin e këtij shërbimi.
Deri më tani nuk dihet se çfarë e ka shkaktuar përsëritjen e problemit dhe kur pritet që platforma të rikthehet në funksion të plotë.
Sinjali – aty ku e vërteta flet para lajmit!
Burimi: Sinjali
