Pagat e punonjësve në prokurori mund të rriten deri në 40 përqind, por rritja do të zbatohet në faza. Këtë e njoftoi Prokurori Publik i Shtetit, Nenad Saveski, duke theksuar se marrëveshja e re kolektive parashikon një përmirësim të statusit material dhe kushteve të punës së punonjësve në prokurori.

Saveski për “Click Plus” në “TV21” tha se rritja nuk do të jetë një rritje e njëhershme, por do të zbatohet gradualisht, me qëllim arritjen e një niveli prej 40 përqind më të lartë se të ardhurat aktuale gjatë një periudhe të caktuar.

Prokurori Publik i Shtetit vlerëson se përmirësimi i kushteve financiare është një hap i rëndësishëm drejt motivimit dhe profesionalizmit më të madh midis punonjësve, por edhe drejt uljes së rrezikut të korrupsionit.

Zgjidhja e re duhet të kontribuojë në një status më të mirë për punonjësit dhe një funksionim më efikas të sistemit të prokurorisë./Telegrafi/