Real Madridi ka shënuar një tjetër fitore të vonshme, këtë herë në udhëtim te AEK Athens.

Edhe pse dy herë në disavantazh, skuadra madrilene mori një triumf prej 2-3.

AEK Athens shokoi të gjithë kur kaloi në epërsi falë Koita, i cili realizoi supergol nga distanca (12’).

Sidoqoftë, ishte Jude Bellingham që barazoi rezultatin me një gol të bukur me thembër pas asistimit të Cucurellas (32’).

Reali kishte plot mundësi shënimi për ta përmbysur mirëpo që assesi s’i konkretizuan.

Kur askush s’e priste, Athens zhvilloi një tjetër sulm me Stavros Pilo që shënoi nga afërsia pas asistimit të Koitas (75’).

Mirëpo, gëzimi i grekëve zgjati tre minuta. Kylian Mbappe u gjend në vendin e duhur pas asistimit të Dumfries për të barazuar rezultatin (78’).

Ndërsa, në stilin e tyre Real Madridi shijoi fitoren në kohën shtesë. Federico Valverde shënoi supergol nga distanca për ta lënë në gjumë portierin vendas (90+2’).

Kësisoj, Real Madridi shkon në kuotën e 12 pikëve ndërsa Athens mbetet me tre sosh./Telegrafi/