Komuna e Rahovecit ka prezantuar propozimin për logon e re zyrtare, duke hapur kështu mundësinë që simboli që e ka përfaqësuar qytetin për rreth dy dekada të ndryshojë.

Propozimi do të jetë pjesë e konsultimit publik, ku qytetarët do të kenë mundësi të japin mendimet dhe sugjerimet e tyre.

Megjithatë, një element pritet të mbetet i pandryshuar: kalaveshi i rrushit, si simbol i traditës së kësaj treve për kultivimin e rrushit dhe prodhimin e verës e rakisë.

Logoja e re pritet të finalizohet deri në fund të këtij viti.

Për detaje shtesë, kronika e gazetares Vesa Hoda.