Policia e Kosovës ka kërkuar ndihmën e qytetarëve për lokalizimin e Fidan Kamishollit, i cili dyshohet për përfshirje në veprën penale “Vjedhje e rëndë”.
Sektori i Hetimeve të Kryeqytetit, me autorizim të prokurorisë kompetente, ka publikuar kërkesën për bashkëpunim, duke u bërë thirrje qytetarëve që të ofrojnë informacione që mund të ndihmojnë në gjetjen e të dyshuarit.
“Personi i dyshuar kërkohet për përfshirje në veprën penale ‘Vjedhje e rëndë’”, thuhet në njoftimin e Policisë.
Autoritetet u kanë bërë thirrje të gjithë qytetarëve që kanë informacione për vendndodhjen e tij t’i kontaktojnë organet e rendit.
Informacionet mund të raportohen në numrin 192 ose përmes adresës elektronike info@kosovopolice.com.
Policia nuk ka dhënë detaje të tjera lidhur me rrethanat e veprës penale për të cilën dyshohet Kamisholli.
Sinjali – aty ku e vërteta flet para lajmit!
[/GazetaSinjali/]
Burimi: Sinjali
