Për të pestën ditë radhazi, protestuesit kanë dalë në rrugët e kryeqytetit për të kërkuar drejtësi për Arlinda Zekajn.

Kësaj radhe, marshimi drejt ndërtesës së Qeverisë së Kosovës po shoqërohet me leximin publik të letrave që Arlinda ua kishte dërguar institucioneve, Prokurorisë dhe Gjykatës, duke kërkuar mbrojtje për jetën e saj.

Përmes këtyre letrave, protestuesit po rikujtojnë paralajmërimet e saj për rrezikun që i kanosej dhe po kërkojnë përgjegjësi për mosveprimin institucional. Mesazhi i tyre është se Arlinda kishte kërkuar ndihmë, por institucionet nuk e mbrojtën.