Dy persona janë ndaluar nga organet e rendit në Pejë, nën dyshimin për përfshirje në një rast grabitjeje ndaj një shtetaseje të huaj, ngjarje kjo që dyshohet të ketë ndodhur mbrëmjen e kaluar.

Lajmin për Insajderin e ka konfirmuar zëdhënësi i Prokurorisë Themelore në Pejë, Shkodran Nikçi.

Sipas informacioneve zyrtare, ndalimi i dy të dyshuarve është bërë me urdhër të ushtrueses së detyrës së Kryeprokurores së Prokurorisë Themelore në Pejë, Valbona Dishaj Haxhosaj.

Të dyshuarit pritet të procedohen më tej para organeve të drejtësisë, ndërsa Prokuroria dhe organet kompetente po vazhdojnë hetimet për zbardhjen e plotë të rrethanave të rastit.

Po ashtu, u.d. e Kryeprokurores, së bashku me zyrtarë policorë, kanë vizituar viktimën në strehimore për të parë nga afër gjendjen e saj.

Burimi: Insajderi